Загрузка...

Müsahibəyə hazırlaşan müəllimlər üçün tövsiyələr

Müəllimlik - şərəfli və çox səy tələb edən peşələrdən biridir, həm də çoxlarının arzusudur. Ölkəmizdə hər il minlərlə insan bu sənətə yiyələnmək üçün imtahan və müsahibələrdən keçir. Əfsuslar olsun ki, iş müsahibələrində az iştirak etmiş və ya heç iştirak etməmiş namizədlər üçün iş müsahibəsi çox vaxt stressli bir təcrübəyə çevrilir. Müsahibədə hansı sualların veriləcəyi, seçimin hansı meyarlara əsasən aparılacağı, müsahibə zamanı özünü necə aparmalı, nə danışmalı və necə geyinməli barədə fikirlər namizədləri müsahibə gününədək rahat buraxmır. Bu yazı həmin suallara aydınlıq gətirməyə çalışacaq.

Əvvəla, bilmək lazımdır ki, müəllimlik müsahibəsinə hazırlıq digər peşə müsahibələrinə hazırlıqdan çox da fərqlənmir; çünki müsahibə götürənlər sizinlə bağlı əsas 3 şeyi öyrənmək istəyir: xarakterinizi, işə nə dərəcədə həvəsli olduğunuzu və peşə səriştənizi. Aşağıda müsahibəyə hazırlıq zamanı sizə kömək ola biləcək 7 məlumatı nəzərinizə çatdırırıq.

 1. Pozitiv ilkin təəssürat yaradın. Müsahibənin ilk dəqiqələri çox önəmlidir. Yaxşı bir ifadə var: “Sizin birinci təəssürat bağışlamaq üçün ikinci şansınız olmayacaq”. Bunun üçün müsahibəyə gecikməmək və 10 dəqiqə öncədən müsahibə yerində olmağınız məsləhətdir. Müsahibə alanlarla əmin şəkildə salamlaşın. Gülümsəyin və məmnun görünün. Əslində sadə bir jest olan gülümsəmə xarakteriniz barədə çox şey deyir və sizin haqqınızda bir neçə saniyəyə müəyyən bir fikir formalaşdırır. Bundan əlavə, etiket qaydalarına görə sizə əyləşmək üçün yer göstərilməsini gözləyin.
2. Peşəkar kimi geyinin. Geyim tərzi bir çox iş yerlərində işçilərin peşəkarlığının göstəricisi hesab olunur. Boşuna deməyiblər ki, insanı geyiminə görə qarşılayıb, ağlına görə yola salırlar. Buna görə də müsahibəyə geyinəcəyiniz geyim barədə əvvəlcədən düşünməyin xeyri var. Müsahibəyə adətən işə geyindiyiniz kimi və ya ondan daha rəsmi şəkildə geyinməyiniz məsləhət görülür. Siz rəsmi rənglər hesab olunan boz, qara, tünd göy, ağ və mavi rənglərinə, həmçinin sizin kreativliyinizə işarə edən fərqli naxışlı parçalara üstünlük verə bilərsiniz. Geyimi seçərkən bunu da nəzərə almaq lazımdır ki, geyiminiz rahat olmalı, hərəkətlərinizi məhdudlaşdırmamalıdır. Geyiminizin təmiz və səliqəli olması da diqqət tələb edən məsələdir.
3. “Özünüzü təqdim edə bilərsiniz?” sualı, yəqin ki, müsahibələrdə ən çox rast gəlinən sualdır. Müsahibə alan şəxslərdə sizin tərcümeyi-halınız olsa belə, onlar bu sualı verməklə sizin özünüzdə vacib hesab etdiyiniz təcrübələriniz barədə sizdən eşitmək istəyir. Bu halda təhsiliniz, oxuduğunuz universitet, sertifikatlarınız və ya müəllimlik təcrübəniz barədə danışa bilərsiniz. Müəllimlik təcrübəniz yoxdursa, sizə müəllim kimi fəaliyyət göstərməyə kömək edə biləcək bilik (fənn, psixoloji, pedaqoji və s.) və bacarıqlar (ünsiyyət, davranış və s.) barədə, eləcə də müəllim işləmək istəyinizin səbəbləri barədə danışa bilərsiniz. Bu sual həm də öz prinsipləriniz və müəllimlik fəlsəfəniz barədə söhbət açmağınız üçün də uyğun sualdır. Onu da qeyd etmək lazımdır ki, bu mərhələdə tərcümeyi-halınızı əzbərdən söyləməyə və ya gördüyünüz bütün işlər barədə ətraflı danışmağa ehtiyac yoxdur. Axı bu hələ birinci sualdır! Önəmli hesab etdiyiniz bəndlər barədə danışdıqdan sonra pauza verin. Bu, müsahibə götürən şəxsin növbəti suala keçməsinə şərait yaradacaq.
4. Vakansiyanın tələblərinə uyğunluğunuz və üstünlükləriniz (şəxsi xüsusiyyətləriniz) barədə düşünün. Müraciət etdiyiniz vakansiyanın tələblərinə uyğun gələn 10 xüsusiyyətinizi düşünüb tapın. Bu, sizin təcrübə, keyfiyyət, bacarıq, sertifikat və diplomlarınız, eləcə də kompüter və ya fənn bilikləriniz ola bilər. Sözsüz ki, vakansiyanın tələbləri ilə əvvəlcədən tanış olmaq və onlara necə cavab verdiyiniz barədə müsahibədən öncə düşünmək lazımdır. Müsahibə zamanı verilən sualdan asılı olaraq, bu xüsusiyyətlərinizdən bir neçəsi haqqında danışa bilərsiniz. Özünüz barədə məlumat verərkən, haqqında danışdığınız xüsusiyyətlərə malik olduğunuzu göstərən nümunələr də gətirin. Məsələn, çox namizədin “İbtidai sinif müəllimliyi” üzrə bakalavr diplomu ola bilər. Ola bilsin ki, sizi digərlərindən fərqləndirən kiçik yaşlı uşaqların psixologiyasını yaxşı bilməyiniz və istənilən mövzunu şagirdlərə əyləncəli şəkildə çatdırmaq bacarığınızdır. Bunu müsahibə zamanı qeyd etmək sizin üstünlüyünüzdür.
5. Öyrətməyə həvəsli olduğunuzu göstərin. Fənniniz üzrə əvəzedilməz mütəxəssis ola bilərsiniz, lakin uşaqları sevmirsinizsə, yeniyətmələrlə işləməkdən çəkinirsinizsə və ya ünsiyyət problemləriniz varsa, müəllimliyin sizə uyğun peşə olub-olmaması barədə yenidən fikirləşin. Unutmayın ki, müəllimlik, ilk növbədə, şagirdlərə öyrənməyə və fərd olaraq yetişməyə kömək etməkdən ibarətdir. Müsahibə zamanı da sizin əsas fokusunuz elə bu olmalıdır. Özünüzdə dərs keçməyə həvəs yaratmaq və hər dəfə sinfə yüksək motivasiya ilə daxil olmaq, ilk olaraq, öz qarşınızda borcunuzdur. Müsahibə komissiyası da sizdə bu xüsusiyyətləri görmək istəyir. Cavablarınız öyrətməyi və öyrənməyi sevdiyinizi və işinizə həvəslə yanaşacağınızı göstərməlidir.
6. Tərcümeyi-halınızda qeyd etdiklərinizdən məlumatlı olun. Ümumi cavablar verməyin, konkret olun. Bilik və bacarıqlarınızla bağlı verilən istənilən suala cavab verməyə hazır olun. Əgər sənədlərinizdə çin dilini mükəmməl bildiyinizi qeyd etmişsinizsə, çin dilində sual eşidəndə təəccüblənməyin.
7. Özünəinamlı olun. Özünəinamlı şəxslər digərlərində də özlərinə qarşı güvən hissi, bilik və bacarıqlarına qarşı inam yaradır. Müsahibə zamanı özünə əmin görünmək üçün ilk növbədə müsahibəyə yaxşı hazırlaşmaq lazımdır. Təhsil haqqında Qanun, Azərbaycan Respublikasında Təhsilin İnkişafı üzrə Dövlət Strategiyası, tədris etdiyiniz fənnin kurikulumu və məzmun xətləri haqqında məlumatlı olmalısınız. Müəllimliyə namizəd olaraq təhsilin əsas məqsədləri və bu günün şagirdlərinin hansı istiqamətlərdə yetişdirilməli olduğunu anlamaq da zəruridir. Özünüzü müsahibədə inamlı hiss etmək üçün digər səmərəli bir yol isə əvvəlki uğurlu müsahibə və ya təhsildə qazandığınız nailiyyətlər barədə düşünməkdir. Bir dəfə uğur qazanmısınızsa, bunu ikinci dəfə də edə bilərsiniz. Əsas buna inanmaqdır. Müsbət düşünün, hazırlıqlı olun və unutmayın ki, özünəinam uğurun yarısıdır.
İş müsahibələri bir çox faktorlara görə bir-birinə bənzəsə də, həm də bir-birindən fərqlənir. Qeyd etmək lazımdır ki, bu yazı müsahibəni uğurla keçmək üçün lazım olan bütün məsələləri əhatə etmir, eləcə də sizin müsahibəni keçəcəyinizə zəmanət vermir. Yuxarıda verilmiş məsləhətlər müsahibələrin necə keçdiyi barədə sizdə təsəvvür yaratmaq və ümumi məlumatlandırma məqsədi daşıyır.
tipii.edu.az

Загрузка...

Administrator

tehsilim.info saytı təhsil sahəsində fəaliyyət göstərən veb resurslar arasnda əminliklə deyə bilərik ki liderlik təşkil edir. Saytımız tamamilə ödənişsizdir və müəlliflərlə birgə əməkdaşlıq nəticəsində inkişaf edir.

31 Şərhlər “Müsahibəyə hazırlaşan müəllimlər üçün tövsiyələr

  • Avqust 11, 2018 at 3:42 axşam
    Permalink

    Salam mən kimya fənni üzrə dərsin icmalını hazırlamaqda çətinlik çəkirəm bacaran varsa mənə köməklik edə bilər? İcmalı necə hazırlamaq lazımdı nümunə göstərsəz sevinərdim əvvəlcədən təşəkkürlər

  • Avqust 11, 2018 at 3:35 axşam
    Permalink

    Salam Ezizaga muellim zehmet olmasa cavab yazin cox vacibdi. Kecen il musahibeye icmal yazmisdiq. Indi esitdiyime gore icmal yazmaq lazim deyil. Bu ne derecede dogrudu. Vaxt cox azdi. Yazib yazmamaliyam deqiq bilmirem. Evvelceden tesekkur edirem

  • Avqust 5, 2018 at 10:55 səhər
    Permalink

    Salam Aleykum.Here bir psixologiyaya sahibdir,hamının düşüncesi bir-birinden çox ferqlenir.Müsahibe üçün verilen sual var,onu yazacam ve hamı o sual haqqında ne düşür öz fikrini yazsın..
    7ci sinif şağirdi Samir edebiyyat müellimine qarşı kobudluq edib.Siz sinif rehberisiniz ve bele halda ne cür hereket ederdiniz?

    • Avqust 5, 2018 at 1:38 axşam
      Permalink

      Salam Fidan xanim.biz muellim olaraq sagirdi o seviyyeye catdirmamaliyiqki bize kobudluq etsin.men sagirdlerimle her zaman yaxindan maraqlanmaga calisiram,basina sigal cekirem,zeif bildiyini tesdiqleyib onda ozune güven hissi formalasdirmaga calisiram.eyer sagirdim diger muellime kobudluq etse her ikisi ile teklikde sohbet apararam.sagirde etdiyinin boyük sehv oldugunu basa salaram(günahkâr muellim olsa bele,cunki muellimin gunahkar olduğunu desem sagirdin tehsile,mektebe inami qalmaz).fenn muellimi ilede ayrica danisib fikirimi bildirerem.

  • Avqust 3, 2018 at 4:38 axşam
    Permalink

    Salam cox xais eliyirem cografiya feninden imtahan veren mullimlerinde vakant yerleri nece gormek olar ?men vermisem ikici merhelede esas kirikulumdan sual veriler dersi nece teskil etmek lazimdi,birde dusduyu mektebin yasadigin yere yaxinligi ile maraqlanilar birde movzulardan icmal istiyirdiler men 2016ci ilde vermisem onda movzulardan icmal istiyirdiler guleruz olmalisan suallara aramla temkinle cavab vermelisen

  • Avqust 3, 2018 at 4:05 axşam
    Permalink

    Men oten il getmisdim once salamlasin gulumseyin ozunuzu teqdim ederken gulumseyin ve temkinli olun sadece danisin . Onlara eminlikle deyin ki o yere en layiqli namized sizsiz. Ixtisasdan suallar verirler dayanmadan birde kurikulumdan mezmun xetlerinden. Suallarinin cavabini bilmesezde gulumseyerek cavab verin . Men bir suali cavablandira bilmedim gule gule dedim bilmirem onlarda dediler gede bilersiz ugurlar. Indiden he kese ugurlar . Heyecaninizi evde qoyub gedin en esasi

    • Avqust 3, 2018 at 3:13 axşam
      Permalink

      Salam.men kecen il ise qebul oldum.1ci qayda pozoitiv olun,yaxinlasib eylesmekcun icaze isteyin.gulumseyin.verilen sual haqqinda danismaga calisin. (ancaq danisin😊)işgal altinda olan erazilerimizi,sair,yazici,bestekatlarimiz haqqinda melumata sahib olun.kurikulumda fennlerin mezmun xettini ezberleyin.

  • İyul 25, 2018 at 7:29 səhər
    Permalink

    musahibeye getmeli olanlar ve gedenler.xais edirem bir birimizr komek olaq.orda necr suallar verilir . Bilen varsa Allah rizasi ucun yazsin

  • İyul 25, 2018 at 7:12 səhər
    Permalink

    hormetli musahibeye geden muellimler. Gelin orda size verilen suallari paylasaq ki,bu qeder zehmet cekib bal toplamagimiz heder getmesin.Men sexsen kecen il musahibeden kesilmisem.Ve by il de aqibetim nece olacagindan narahatam.Xais edirem musahibeye geden varsa bizimle paylassin,orda nece suaılar verirler?

  • İyul 4, 2018 at 9:28 axşam
    Permalink

    Salam. Hamıya uğurlar arzu edirəm. Men bir söz soruşmaq istəyirəm. Mən Miqde iştirak üçün qeydiyyatdan keçdim və ərizəm qəbul olundu. Amma bir sey varki mənə qaranliq qaldı. Qeydiyyatdan keçəndə orada əvvəlki balım gəldi, amma Metodika ile mentiqde düz cavabların sayında dəyişiklik var. Yəni metodikadan yazdığım bal mentiqe , məntiqdən yazdığım isə metodikaya qeyd olunub.Belə bir halla qarşılaşan olubmu?

Bir cavab yazın

This site uses Akismet to reduce spam. Learn how your comment data is processed.