loading...

Vakant müəllim yerlərini gizlətmək mümkün olmayacaq

ilham Nağıyev-təhsil-nazirliyiAzərbaycanda orta məktəblərdə vakant yerlərin gizlədilməsinin qarşısını almaq, vakant yerlər barədə məlumatların toplanılması prosedurunu daha da təkmilləşdirmək nəzərdə tutulur.

Təhsil Nazirliyinin İnsan resursları şöbəsinin müdir müavini İlham Nağıyev Trend-ə bildirib ki, əvvəllər rayon təhsil şöbələri məktəblərdən vakant yerlər barədə məlumatları toplayaraq nazirliyə göndərirdi.

Onun sözlərinə görə, hazırda məktəblərdəki vakant yerlər barədə məlumatların toplanılması üçün Təhsil Nazirliyinin yaratdığı elektron sistem fəaliyyət göstərir və vakant yerlər barədə məlumatlar da elektron qaydada toplanılır: “Sistemdə yalnız vakant yerlər haqqında deyil, həm də məktəblərdəki pedaqoji heyətin ümumi dərs yükü, məktəbdəki müəllimlərin sayı, onlara nə qədər dərs saatının verilməsi barədə bütün məlumatlar yer alıb”.

Nazirlik rəsmisi deyib ki, elektron sistem yaradıldıqdan sonra vakant yerlər barədə məlumatların toplanılması zamanı onların yaddan çıxıb qalması, gizlədilməsi kimi bir çox halların baş verməsinin qarşısı alınıb: “Amma biz istəyirik ki, bunu daha da təkmilləşdirək. Çünki vakansiya ildə bir dəfə deyil, ilin istənilən günündə yarana bilər”.

İ.Nağıyev əlavə edib ki, hazırda vakant yerlər barədə məlumatlar tədris ilinin sonuncu 3 ayı ərzində toplanaraq sistemə yüklənilir. Amma gələcəkdə vakant yerlər barədə məlumatların onlayn rejimdə toplanılması nəzərdə tutulur.

O qeyd edib ki, onlayn rejim olan zaman müəllim işdən çıxdıqda, analıq məzuniyyətinə getdikdə, iş yerini dəyişdikdə sistem avtomatik olaraq yeni vakant yerin yarandığını açıqlayacaq. Bununla da istənilən yeni vakant yer haqqında məlumat operativ olaraq bütün il ərzində sistemə ötürüləcək.

İ.Nağıyev əlavə edib ki, artıq müəllimlərin işə qəbulu imtahanlarında müvafiq keçid balını toplamış namizədlərə də müvafiq bildirişlərin göndərilməsi nəzərdə tutulur: “Əsas məsələlərdən biri vakanat yerlərin müəyyənləşdirilməsi, ikinci daha vacib məsələ həmin vakant yerlərə kimlərin göndərilməsi, daha layiqli namizədin müəyyənləşdirilməsidir. Buna görə də nəzərdə tutulur ki, keçid balını toplamış, ərizəsində yazdığı rayonu, məktəbi seçmiş, amma oraya düşməmiş namizədə avtomatik bildiriş göndərilərək ona hansı yerdə vakansiya yaranması barədə məlumat verilsin. Əgər o, elektron qaydada sənəd verərsə, həmin şəxs keçid balını topladığı üçün onu həmin yerə göndərə bilərik”.

Nazirlik rəsmisinin sözlərinə görə, bu il müəllimlərin işə qəbulu ilə bağlı prosedurun dəyişdiriləcəyi gözlənilmir. Amma test imtahanının, müsahibə proqramının daha təkmil edilməsi məsələlərinə baxıla bilər.

1. 075 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

2 Şərhlər “Vakant müəllim yerlərini gizlətmək mümkün olmayacaq

  • Avqust 7, 2016 at 8:25 səhər
    Permalink

    salam ,.gerek teqaudculer cixsin ki, bizlere yer olsun .bir ayagi o dunyada,bir ayagi burda yene iwleyir..75 yasinda muellim iwleyir

    Cavab yaz
  • Avqust 6, 2016 at 9:04 axşam
    Permalink

    nece yeniki kecid balini toplayan muellimleri hara yerlesdirirsiz vakant yer yoxdursa.men hecne anlamadim bu isden. birdeki isteyen istediyini edecek yene xeyri yoxdur siz neynirsiz edin

    Cavab yaz

Bu haqda nə düşünürsən?