loading...

Məhkəmə TQDK-nın suallarını yayan şəxsi 2500 manat cərimələdi

Tələbə Qəbulu üzrə Dövlət Komissiyasının (TQDK) iddiası əasasında məhkəmə magistratura səviyyəsinə keçirilmiş qəbul imtahanından sonra imtahan suallarını qanunsuz yayan şəxsi 2500 manat cərimələyib.

TQDK-dan Trend-ə verilən məlumata görə, qurum tərəfindən keçirilən imtahanlarda istifadə olunmuş test tapşırıqlarının, o cümlədən müxtəlif nəşrlərin, test kitabları, dərs vəsaitləri və “Abituriyent” jurnalının ayrı-ayrı saylarının qeyri-qanuni yolla yayımlanması qadağandır: “Çox təəssüf ki, 6 mart 2016-cı ildə ali təhsil müəssisələrinin magistratura səviyyəsinə keçirilmiş qəbul imtahanından sonra imtahan sualları Şərifov Rəşadət Rəşid oğlu tərəfindən qanunsuz olaraq kütləvi informasiya vasitələrində yayılıb. O, həmçinin ideya müəllifi olduğu internet saytında və Facebook sosial şəbəkəsində təsisçisi olduğu qrupda əvvəlki illərdə keçirilən magistraturaya qəbul imtahanlarında istifadə olunmuş test tapşırıqlarının da yayılmasına yol verib. Həmin sualların qeyd olunduğu sual kitabçalarının imtahandan sonra TQDK-nın razılığı olmadan sosial şəbəkədə və digər internet saytlarında yayılması imtahan suallarının məxfiliyinin qorunması qaydalarının pozulmasına səbəb olub. Əvvəlki illərdə keçirilən magistraturaya səviyyəsinə qəbul imtahanlarında istifadə olunan imtahan suallarından növbəti illərdə keçirilən imtahanlarda istifadə olunur. Nəticədə TQDK yenidən mütəxəssislərin cəlb edilməsi, yeni sualların hazırlanması və s. tədbirlər həyata keçirmək məqsədilə xeyli miqdarda vəsait sərf edib ki, bu da dövlət qurumuna mühüm zərər vurulmasına səbəb olub. Bundan başqa, Şərifov Rəşadət Rəşid oğlu tərəfindən TQDK və “Abituriyent” Jurnalı Redaksiyasına məxsus “Abituriyent 2016 Magistr №1”, “Abituriyent 2016 Magistr №2” jurnallarının qanunsuz yayılması müəllif hüquqlarının pozulmasına səbəb olub”.

Komissiyadan qeyd edilib ki, qeyd olunanlarla əlaqədar TQDK və “Abituriyent” jurnalı redaksiyası Şərifov Rəşadət Rəşid oğluna qarşı “pozulmuş müəllif hüquqlarının bərpası, vurulmuş zərərin əvəzinə və işgüzar nüfuza vurulmuş zərərə görə kompensasiya ödənilməsi tələbinə dair” iddia ərizəsi ilə Zərdab Rayon Məhkəməsinə müraciət edib: “Məhkəmə iclasında cavabdeh Şərifov Rəşadət Rəşid oğlu izahatında bildirmişdir ki, səhv etdiyini başa düşür və gələcəkdə belə hallara yol verməyəcək. Yekunda Zərdab Rayon Məhkəməsinin 14 iyul 2016-cı il tarixdəki iclasında qətnaməsi iddiaçılar Azərbaycan Respublikası Tələbə Qəbulu üzrə Dövlət Komissiyası və “ Abituriyent” Jurnalı Redaksiyasına məxsus testlərin və məlumatların sosial şəbəkədə və müxtəlif saytlarda yayılması cavabdeh Şərifov Rəşadət Rəşid oğluna qadağan edilib. Qətnamədə Tələbə Qəbulu üzrə Dövlət Komissiyasının müəllif hüquqlarının pozulmasına və işgüzar nüfuzuna dəymiş zərərə görə cavabdeh Şərifov Rəşadət Rəşid oğlundan 2500 ( iki min beş yüz ) manat məbləğində pul tutularaq Azərbaycan Respublikası Tələbə Qəbulu üzrə Dövlət Komissiyasına ödənilməsi, “Abituriyent” Jurnalı Redaksiyasının müəllif hüquqlarının pozulmasına görə dəymiş zərərə görə cavabdeh Şərifov Rəşadət Rəşid oğlundan 2500 manat məbləğində pul tutularaq “ Abituriyent” Jurnalı Redaksiyasına ödənilməsi, məhkəmə qətnaməsinin cavabdeh Şərifov Rəşadət Rəşid oğlunun ideya müəllifi olduğu internet saytında və Facebook sosial şəbəkəsində təsisçisi olduğu qrupda yerləşdirilməsi vəzifəsi cavabdehin üzərinə qoyulması və s. müddəalar öz əksini tapıb. 

676 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

4 Şərhlər “Məhkəmə TQDK-nın suallarını yayan şəxsi 2500 manat cərimələdi

  • Sentyabr 5, 2016 at 6:30 axşam
    Permalink

    Saxiba xanım,magistrol.com saytı
    Magistraturaya hazırlaşmaq isteyirsinizse,bu saytdan faydalana bilersiniz.

    Cavab yaz
    • Jelena profil şəkili
      Sentyabr 7, 2016 at 12:26 axşam
      Permalink

      Hə gördüm, proqramı var onu da yükləmişəm, çox sağ ol kömək üçün

      Cavab yaz
  • Jelena profil şəkili
    Sentyabr 5, 2016 at 5:42 axşam
    Permalink

    AAaa, mən bu adamın videolarını izləyirdim həmişə, məntiqi çox gözəl başa salırdı, bilərəkdən etməz, bilməyib yəqin, Hörmətli adminstrator hansı saytlarda yayıb sualları bilmirsiniz?

    Cavab yaz

Bu haqda nə düşünürsən?