loading...

Tələbə təqaüdləri 12 min nəfərə veriləcək – QAYDALAR

tələbəBu yaxınlarda Nazirlər Kabineti tələbə təqaüdlərinin verilməsinin yeni qaydalarını təsdiq edib.

Yeni qaydaların tətbiqi ilə bağlı Modern.az-a açıqlama verən Təhsil Nazirliyinin Elm və ali təhsil şöbəsinin müdir müavini Natiq İbrahimov bildirib ki, artıq sənəd icradadır və yerlərə göndərilib. Onun sözlərinə görə, bu semestrdən başlayaraq həm dövlət sifarişli yerlərdə oxuyan, həm ödənişli əsaslarla təhsil alan tələbələr təqaüd almaq imkanı qazanıblar.

“Qaydalara müvafiq olaraq, hər bir ali təhsil müəssisəsində ixtisas üzrə dövlət sifarişinə qəbul olunanların sayı həcmində təqaüd müəyyənləşib. Bir universitetdə ola bilər təqaüd azdır, o birisində çoxdur. Bu, dövlət sifarişi ilə təhsil alanların sayı ilə müəyyənləşir. Sənəd təxminən hər il 12 minə yaxın tələbəni əhatə edəcək. Bakalavr səviyyəsində hər kurs üzrə 11 mindən çox tələbinin təqaüd almaq imkanı yaranacaq. Eyni zamanda yeni qaydalar magistr pilləsində hər kurs üzrə 2 mindən çox tələbəni əhatə edəcək”.

N.İbrahimov qeyd edib ki, yeni qaydalar ödənişli və ya dövlət sifarişli əsaslarla təhsil almasından asılı olmayaraq, bütün tələbələr üçün bərabər imkanalr yaradacaq.

“Həmin yerlər müəyyənləşir. Məsələn, Bakı Dövlət Universitetində birinci kurslar üçün 130 yer, ikinci kurslar üçün 125 yer. O yer uğrunda tələbələr mübarizə aparacaqlar və kim udsa, təqaüdü alacaq. Məsələn, biz yoxlamışıq ki, bir ixtisas üzrə dövlət sifarişi ilə 39 təqaüd alan var. Lakin həmin təqaüdün bir hissəsi batırdı. Məsələn, 32 nəfərt təqaüd alırdı. Amma indi 39 nəfər hamısı təüqad alacaq və içərəsindən 11 nəfər ödənişli əsaslarla təhsil alanlardır. Bunların içərəsində 1 nəfəri məcburi köçkündür”.

Nazirlik rəsmisi vurğulayıb ki, yeni qaydalar təqaüd alan tələbələrə imkan verəcək ki, onlar digər təqaüdləri də alsınlar.

“Məsələn, yeni qaydalar Prezident təqaüdü, “Gələcəyin müəllimi” təqaüdü, hansısa şirkətin təqaüdünü almaq imkanı da yaradır. Tələbələr üçün geniş şərait yaradılıb. Hansı tələbələrin təqaüd alacağı bir həftəyə qədər ali təhsil müəssisələrində müəyyənləşəcək və siyahılar veriləcək. Fevralın sonunda isə onlar təqaüdlərini alacaqlar”.

254 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?