loading...

Tədris ilinin uzadılması təklif edilir

Təhsil Nazirliyi tədris ilinin yenidən artırılmasını təklif edir.

Bu haqda nazirliyin İctimaiyyətlə əlaqələr sektorunun müdiri Cəsarət Valehov bildirib.

O qeyd edib ki, son günlərdə mediada və sosial şəbəkələrdə Azərbaycanda tədris ilinin 1 sentyabrda başlayıb 25 mayda bitməsi geniş müzakirə olunur. Halbuki, nazirlik dərs ilinin bir qədər də uzadılması haqda düşünür:

Nazirlik rəsmisi xatırladıb ki, iki il bundan əvvəl Nazirlər Kabineti tədris ilinin iki həftə uzadılması ilə bağlı qərar qəbul edib:

“Əsas məqsəd də dünyanın inkişaf etmiş ölkələrindən tədris həftələrinin (müvafiq olaraq 38-40 həftə) sayına görə geri olan ölkəmizin (əvvəl 32 tədris həftəsi var idi- indi isə 34 olub) tədris ili müddətində müəyyən ahəng yaratmaq idi. Çünki çox oxuyan çox bilər. Baxmayaraq ki, biz tədris ilini iki həftə artırmışıq, göründüyü kimi hələ də inkişaf etmiş ölkələrin tədris həftələrindən ən azı 3-4 həftə geridəyik. Bəlkə tədris ilini sentyabrın 1-də başlayıb, 14 iyunda bitirməklə bu boşluğu doldura bilərik? Necə düşünürsünüz? Bu istiqamətdə müzakirələrə başlayaqmı? Adını da qoyaq daha 2 həftə çox öyrənmək istəyirik”.

Qeyd edək ki, hazırda Azərbaycan dərs ili 15 sentyabrda başlayır, 15 iyunda başa çatır.

Xatırladaq ki, Milli Məclisin deputtaı Fazil Mustafa bir neçə gün öncə Azərbaycanda dərs ilinin qısaldılmaını – dərslərin sentyabrın 1-də başlaması və mayın 25-də tamamlanması təklifini irəli sürüb.
Deputat bildirib ki, 1 sentyabr – 25 may tarixləri müəllimə də, şagirdə də, valideynə də sərf edər, üstəlik tədrisin keyfiyyətinə də müsbət təsir göstərər.

“Əvvəllər sovet dövründə qəbul imtahanları avqust ayında qurtarırdı, tədris proqramı tələsik də olsa, sentyabrın 1-dən start götürürdü. İndi isə artıq iyul ayına imtahan qalmır, kifayət qədər tədris prosesinə hazırlıq vaxtı yaranır, niyə bu fürsəti qaçırırıq, doğrusu anlamaq olmur. İyun ayının ortalarına qədər tədrisin uzaldılmasının da ciddi əsaslandırılmasını görmürəm. Üstəlik də ölkənin paytaxtı Bakı şəhərində iyun ayında hələ bir neçə il Formula 1 yarışları keçiriləcək, əslində məktəblərin fəaliyyət göstərməsi bu mötəbər yarış üçün də müəyyən çətinliklər yaradır. Hamı məcburdur bu ərəfədə uşağını məktəbə aparsın, tıxac və başqa problemlər qarşıya çıxır. İyun ayında heç effektli dərs də keçirilmir, həm müəllimlər, həm şagirdlər, həm də valideynlər yay müddəti üçün işlərini normal planlaşdıra bilmirlər”.

Medern.az

2. 039 baxış
loading...

Əzizağa Əhmədov

Əziz müəllimlər və müəllim olmaq istəyənlər! Tezliklə müəllimlərin işə qəbulu test imtahan mərhələsi başlayacaqdır. Bütün namizədlərə uğurlar arzulayıram!

4 Şərhlər “Tədris ilinin uzadılması təklif edilir

  • İyun 11, 2017 at 10:44 səhər
    Permalink

    Men de naraziyam iyun ayinda derslerin kecirilmesine.hec de yaxshi effekt vermir isti havada derslerin kecirilmesi.shagirdde hec cur heves olmur oturub dersle meshgul olmaq

    Cavab yaz
  • İyun 1, 2017 at 7:35 axşam
    Permalink

    xarici ölkələrdə 38-40 həftə təhsil alan şagirdin valideyni və müəllimi ortalama 250-300 manat yox, Cəsarət müəllim, sizin də çox yaxşı bildiyiniz kimi daha çox əmək haqqı alır. Xaricdə olanları kor-koranə ölkəmizə gətirmək kimi yanlış tendensiyadan bütün sahələrdə əl çəkmək lazımdır. Oki qaldı tədris ilinin müddətinə 1 sentyabr-30may ən optimal müddətdir. Müzakirəyə ehtiyac yoxdur. Təklifim nəzərə alınarsa uduzan olmaz, udan Azərbaycanımız olar.

    Cavab yaz
    • İyun 1, 2017 at 8:15 axşam
      Permalink

      Cox gozel vurgulamisiniz Sarvan muellim

      Cavab yaz
  • May 25, 2017 at 7:38 axşam
    Permalink

    Onsuzda iyun ayinda istilerden ne muellimlerde heves olur ne de wagirdlerde.Iyundaki tedris nailiyyetinden soz bele gede bilmez.Yalniz vaxti oldurmek ucun movcuddur.

    Cavab yaz

Bu haqda nə düşünürsən?