loading...

Müəllimlərin İKT sahəsində biliklərinin artırılması ilə bağlı layihə uğurla yekunlaşmışdır

müəllimlər-təlim“Elm və Təhsildə İnkişaf” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə 2016-cı ilin may ayından etibarən həyata keçirdiyi “Azərbaycanın Qərb bölgəsi orta məktəblərində fəal təlim metodlarının tətbiqində İKT-dən istifadə ilə bağlı müəllimlərin bilik və bacarıqlarının artırılması” layihəsinin icrasını uğurla başa çatdırmışdır. Layihə çərçivəsində “MS Word”, “MS Power Point”, “Internet Explorer” proqramları və “Windows” əməliyyat sistemi üzrə mövzularında Göygöl rayonunun Quşqara və Samux rayonunun Sərkar kənd orta məktəblərində İKT üzrə savadlılığın artırılması məqsədilə 40 nəfər müəllim üçün təlim kursları təşkil edilmişdir. Təlim iştirakçılarının istəyi ilə əlavə olaraq, “MS Excel” və “MS Publisher” proqramları üzrə təlim sessiyaları keçirilmişdir.

Təlim sessiyalarını başa vurmuş müəllimlərdə İKT-dən istifadədə praktiki vərdişlərin aşılanması və əldə etdikləri bilik və bacarıqların təcrübədə tətbiq olunmasını asanlaşdırmaq məqsədilə məsləhət saatları təşkil edilmişdir. Göygöl rayonun Quşqara kənd orta məktəbində “Ən yaxşı təcrübə” mövzusunda seminar təşkil edilmiş seminarda fənlərin tədrisində İKT-dən istifadə uzrə ən yaxşı metodika və elektron tədris vəsaitlərindən istifadə edilməklə qurulan tədris prosesinin ən yaxşı modeli mövzularında müzakirələr aparılmışdır.

Layihə nəticəsində 40 müəllim elektron didaktik və pedaqoji proqram vasitələrini tətbiq etmək, internetdə informasiya axtarmaq, multimedia təqdimatlarını yaratmaq və İKT-dən istifadə etməklə dərslər hazırlamaq bacarıqlarına yiyələnmişlər. Bundan əlavə, hədəf məktəblərdə təşkil olunmuş məlumatlandırma tədbirləri və “Ən yaxşı təcrübə” mövzusunda seminar nəticəsində İKT-dən istifadənin üstünlükləri və imkanları ilə bağlı məktəblərdə maarifləndirmə işi güclənmişdir. Təlim sessiyalarını başa vurmuş müəllimlər əldə etdikləri bilik və bacarıqlarını təlim prosesində tətbiq etməklə bərabər, digər müəllim heyətinə ötürəcəklər və bununla da, layihənin mühüm nəticələri davamlı təsir effektinə malik olacaqdır.

382 baxış
loading...

Bu haqda nə düşünürsən?