Müəllimlərin İşə Qəbulu və Diaqnostik Qiymətləndirmə. (Sual + Cavab) -
Загрузка...

Müəllimlərin İşə Qəbulu və Diaqnostik Qiymətləndirmə. (Sual + Cavab)

1. MİQ imtahanında kimlər iştirak edə bilər?
Cavab: İşə qəbul üzrə müsabiqədə ali və orta ixtisas təhsili müəssisələrini pedaqoji ixtisaslar üzrə bitirmiş və dövlət nümunəli təhsil sənədi (diplom) almış şəxslər iştirak edə bilər. Bu il bitirənlər arayışla. Həmçinin müddətsiz əmək müqaviləsi ilə işləyən müəllimlər də hazırkı iş yerindən çıxmadan müəllimlərin işə qəbulu müsabiqəsində iştirak edə bilər.
2. Rayondaxili və ya ölkə daxili yerdəyişmə edənlər MİQ-də iştirak edə bilərmi? Əgər yerdəyişmədə uğur qazanmış müəllimlər, MİQ-də yer tuta bilməsələr nə olacaq?
Cavab: Bəli edə bilər. Yerdəyişmədə uğur qazanmış müəllimlər MİQ-də yer tuta bilməsələr, yerdəyişmə ilə qəbul olduqları məktəbdə fəaliyyətlərini davam edəcəklər.
3. Mən qeydiyyatdan keçdim, ərizəm nə vaxt təsdiq olunacaq?
Cavab: Qeydiyyatdan keçəndən sonra sizin yazdığınız məlumatların düzgünlüyü və uyğunluğu yoxlanılır. Nəticə barədə şəxsi səhifədə məlumat veriləcək.
4. MİQ-da test imtahanı barədə bilmək istəyirəm. Neçə sual olur? səhv cavablar düzü aparırmı?
Cavab: Test imtahanı kompüterlə keçiriləcək, namizədlərə 60 sual (40 ixtisas, 10 təlim strategiyalarına, metodikaya aid və 10 məntiqə aid sual) 90 dəqiqə isə vaxt verilir. Səhv cavablar düzlərə təsir etmir.
5. İmtahanın harada və nə vaxt keçiriləcəyi haqda necə məlumat ala bilərik?
Cavab: İmtahanın keçirilmə günü və saatı bir neçə gün əvvəl sizin şəxsi səhifənizdə görünəcəkdir.
6. İmtahana gedərkən özümüzlə nələri aparmalıyıq?
Cavab: yalnız şəxsiyyət vəsiqənizi.
7. MİQ-da topladığımız balı necə öyrənə bilərik?
Cavab: İmtahanı bitirdiyinizdə, kompüterin ekranında sizin topladığınız bal əks olunacaq. Bundan əlavə sizin şəxsi səhifənizədə də imtahan nəticələriniz yazılacaq.
8. Hər hansı səbəbdən imtahana gecikənlərə və gələ bilməyənlərə güzəşt edilir?
Cavab: Şəxshi səhifənizdə göstərilən tarixidə imtahan verəcəyiniz yerdə olmalısınız. Buna dair heç bir güzəşt edilmir.
9. Test imtahanında yüksək bal yığsaq (məsələn 55-57) artıq qəbul olunmuş sayılırırq? 
Cavab: test imtahanında topladığınız balla sizə uyğun vakant yerləri seçəcəksiniz. Sizin seçdiyiniz yerə sizdən başqa bir neçə namizəd də ola bilər. Bu halda ən yüksək bal toplayan həmin yeri tutmuş hesab olunur. Seçdiyi yerə qəbul olanlar, növbəti mərhələyə (müsahibə mərhələsinə) dəvət olunurlar.
10. MİQ-da keçid balı nə qədərdir?
Cavab: keçid balı müsabiqə iştirakçılarının ümumi orta statistik göstəricilərinə görə müəyyən olunur. Son 2 ildə Şəhər və rayon mərkəzlərinə, qəsəbələrə keçid balı 48+ , kəndlərə isə 36+ olub.
11. MİQ-da kimlər test imtahanı vermədən birbaşa yer seçimində iştirak edə bilər?
Cavab: keçən il imtahan verərək keçid balını yığanlar.
12. Müsahibə mərhələsi nə vaxtdır? Və ondan keçmək şərtdirmi?
Cavab: Test imtahanları bitdikdən sonra. Bəli müsahibə mərhələsində də müsbət nəticə əldə edənlər, MİQ-dan keçmiş hesab olunur. MİQ vasitəsi ilə işə qəbul olunanlar müddətsiz müqavilə ilə çalışacaqlar. (2013-cü ildən sonra, keçid balını toplamadan çalışanlar istisna).

13. MİQ-də ilk turda qəbul olduğum yerdən imtina etsəm növbəti turlarda iştirak edə bilərəm?
Cavab: Xeyr
14. Müddətsiz müqavilə ilə çalışanlar MİQ-da yer tutarlarsa onların köhnə yeri nə vaxt vakansiyaya çıxarılacaq?
Cavab: 2-ci turda.
15. Ərizədə diplomun nömrəsinin qarşısındakı hərfləri yazmamışam. Buna görə problem ola bilərmi?
Cavab: Olmaz
16. Analıq məzuniyyətində olanlar MİQ-da iştirak edə bilərlər?
Cavab: İştirak edə bilər.
17. MİQ-da DQ balı nəzərə alınırmı?
Cavab: Xeyr
18. Keçən il MİQ-da yüksək bal yığsam da (58 bal) qəbul olmadım, müddətli müqavilə ilə işləyirəm. DQ-də də yüksək (59 bal) nəticə göstərdim. Mən də işlədiyim yerdə müddətsiz ola bilərəm?
Cavab: Xeyr. Bunun üçün MİQ-da iştirak edib qəbul ola bilərsiniz. Hara qəbul olunsanız orada müddətsiz müqavilə ilə çalışacaqsınız.
19. Bu il müsabiqədə iştirak edib yer tutan müəllim rayondaxili digər vakansiyanı ikinci iş yeri kimi işləyə bilər?
Cavab: sentyabrda boş qalsa bəli.
20. Mən qəbul olduğum yerdə 2 il işlədikdən sonra məcburi yerdəyişmə etdim. Qəbul olduğum yerdə H1 var. Birinci ay maaşın ikiqatını verəcəklərmi?
Cavab: Xeyr. Bu yalnız həvəsləndirmə tədbirləri tətbiq olunana yerlərə və ilk dəfə işə qəbul olanlara aiddir.
21. Ballar görünəcəkmi seçim edəndə?
Cavab: Bəli
22. Mən iki dil üzrə bitirmişəm, hər ikisindən imtahan verə bilərəm?
Cavab: Yalnız birindən
23. Ərizəni təsdiq edib. Stajı olsa da yoxdur kimi qeyd edib. Buna görə problem yaşana bilərmi?
Cavab: Xeyr
24. Mən 2il əvvəl topladığım balla MİQ-da iştirak edə bilərəm?
Cavab: Yalnız ötənilki MİQ balı ilə iştirak etməyə icazə verilir.
25. Diplomu hələ almayanlar, diplomun səviyyəsi olan yerə nə yazsınlar? Axı hələ diplomu yoxdur.
Cavab: Arayış barədə məlumat

26. 2013-dən sonra MİQ-dan kənar işə qəbul olanlar (hansı ki keçid balını yığa bilmədikləri üçün MİQ-a yolandılar) yenə keçid balını yığa bilməsələr necə olacaq? Onlara hər hansı güzəşt olunacaqmı?
Cavab: Xeyr

27. MİQ-da ərizədə imtahana gedəcəyimi seçsəm, sonra gedə bilməsəm köhnə balım ilə müsabiqədə iştirak edə bilərəm?
Cavab: Xeyr

28. Mənim iki ixtisasım var, keçən il 1-ci ixtisasımdan imtahan vermişəm, bu il həmin balla 2ci ixtisasımdan MİQ-də iştirak edə bilərəm?
Cavab: Yalnız imtahan verdiyiniz ixtisasın balı ilə MİQ-də iştirak edə bilərsiniz.
29. İki ixtisasımdan biri ilə hal hazırda bir məktəbdə çalışıram, digər ixtisasımla imtahan verərək eyni zamanda başqa məktəbdə çalışa bilərəm? Yəni hər iki məktəbdə müddətsiz olaraq? Bəs eyni məktəbdə hər iki ixtisasımdan dərs deyə bilərəm?
Cavab: İmtahan verərək başqa məktəbdə 2ci ixtisasınızla çalışa bilərsiniz, bu halda 1ci iş yerinizdən çıxırsınız. Eyni məktəb daxilində iki ixtisasdan dərs deməyə icazə verilir, o şərtləki hər ikisindən DQ imtahandan keçmiş olasınız.
30. Mən ikinci ixtisasımdan DQ-dən keçmək istəyirəm. Hara müraciət etməliyəm.
Cavab: Rayon təhsil şöbəsinə.
31. Mən DQ-də topladığım baldan narazıyam. Avqustda keçiriləcək DQ-da iştirak edə bilərəmmi?
Cavab: Avqusta keçiriləcək DQ-də, yalnız əvvəllər müxtəlif səbəblərdən iştirak edə bilməyənlər (xəstəlik, Analıq məzuniyyəti, ikinci ixtisasından keçmək istəyənlər və .s ) iştirak edə bilər.
32. Müavinlərin vəziyyəti necə olacaq? DQ-dan keçmələri vacibdirmi? DQ-dən keçməsələr 6 saat dərs apara bilərlərmi?
Cavab: Məcburi deyil, bəli apara bilər.

33: Müəllimlərin işə qəbulu üzrə müsabiqədə kimlər iştirak edə bilərlər?

Cavab: Müəllimlərin işə qəbulu müsabiqəsində orta ixtisas və ali təhsil müəssisələrini pedaqoji ixtisaslar üzrə bitirmiş və dövlət nümunəli təhsil sənədi (diplom) almış, xarici ölkədə aldığı ali təhsil haqqında sənədi tanınmış və ekvivalentliyi müəyyən edilmiş Azərbaycan Respublikasının vətəndaşı və ya Azərbaycan Respublikasında daimi yaşamaq üçün icazə verilmiş əcnəbilər və ya vətəndaşlığı olmayan şəxslər iştirak edə bilər.

34: Müəssisələrdə vakant olan gənclərin çağırışaqədərki hazırlığı üzrə rəhbər vəzifəsinə işə qəbul necə həyata keçirilir?

Cavab: Müəssisələrdə vakant olan gənclərin çağırışaqədərki hazırlığı üzrə rəhbər vəzifəsinə işə qəbul tabelik üzrə təhsili idarəetmə orqanı və Səfərbərlik və Hərbi Xidmətə Çağırış üzrə Dövlət Xidmətinin strukturuna daxil olan yerli idarəetmə orqanları ilə razılaşdırılmaqla müəssisə rəhbəri tərəfindən həyata keçirilir.

35: Müəllimlərin işə qəbulu üzrə müsabiqə hansı mərhələlərdən ibarətdir?

Cavab: Müəllimlərin işə qəbulu üzrə müsabiqə 4 mərhələdən (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) ibarətdir.

36: Müsabiqədə iştirak etmək istəyən namizədlər qeydiyyatdan necə keçəcəklər?

Cavab: Müsabiqədə iştirak etmək istəyən namizədlər miq.edu.az saytında qeydiyyatdan keçməlidirlər.

37: Müsabiqənin ikinci mərhələsi necə təşkil olunur?

Cavab:  Müsabiqənin ikinci mərhələsində (test imtahanı) hər bir namizədə onun ixtisası üzrə ümumtəhsil məktəblərinin fənn proqramlarına, tədris metodikası və təlim strategiyalarına, məntiqə aid suallar təqdim edilir. İmtahanın müddəti, sualların sayı və müvafiq keçid balı Nazirlik tərəfindən müəyyənləşdirilir.

38: Müəllimlərin işə qəbulu zamanı namizədlər vakant yerləri nə zaman seçirlər?

Cavab: Test imtahanı mərhələsində keçid balı toplamış namizədlər səkkiz vakant yer seçə bilərlər. Namizədlərin vakant yerlərə yerləşdirilməsi onların elektron ərizədə qeyd etdikləri seçim ardıcıllığı gözlənilməklə aparılır. Hər hansı ixtisas üzrə bir vakant yerə iki və daha artıq sayda eyni bal toplamış namizəd olduqda, namizədin elektron ərizəsindəki göstəricilər araşdırılmaqla müvafiq qərar qəbul edilir.

39: Müsahibə mərhələsində namizədlərin bilikləri necə yoxlanılır?

Cavab: Müsabiqənin dördüncü mərhələsində (müsahibə) test imtahanlarının nəticələrinə əsasən vakant yer tutmaq hüququ qazanmış namizədlərin peşəkar kompetensiyaları, psixoloji hazırlığı və ümumi dünyagörüşü müsahibə proqramına uyğun olaraq müvafiq komissiya tərəfindən yoxlanılır. Müsahibəyə çağrılan namizədlərə proqram təminatı tərəfindən təsadüfi seçim əsasında ixtisası üzrə bir mövzu təqdim olunur. Namizədlər həmin mövzunu müsahibə komissiyasına dərs formatında təqdim edirlər.  Namizədlərin cavabları elektron qaydada qiymətləndirilir və  protokollaşdırılır. Müsahibə mərhələsində namizədlərə ixtisaslarına uyğun olaraq təqdim olunacaq mövzular öncədən elan olunur və internet səhifəsində yerləşdirilir.

40: İşə qəbul müsabiqəsi nəticəsində namizədin topladığı bal növbəti işə qəbul müsabiqələrində rol oynayırmı?

Cavab:  İşə qəbul müsabiqəsi nəticəsində namizədin topladığı bal 2 (iki) təqvim ili qüvvədədir və növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak etmək hüququ verir. Müvafiq keçid balını toplamış namizədlər öz istəyi əsasında növbəti müsabiqənin birbaşa üçüncü mərhələsində iştirak edə bilərlər.

41:  Müsahibə mərhələsində iştirak edəcək namizədlərdən hansı sənədlər tələb olunur?

Cavab: Sözügedən namizədlər tələb olunan tarixdə şəxsi işini (diplom(lar) və ona əlavə(lər), xaricdə təhsil alanlar diplomla yanaşı təhsil sənədlərinin tanınmasına dair şəhadətnamə, şəxsiyyət vəsiqəsi, sağlamlıq haqqında arayış, əmək kitabçası (əgər varsa) və elektron ərizəsində göstərilən məlumatları təsdiq edən digər sənədlərin əsli və ya notarial qaydada təsdiq olunmuş surəti) müsahibə komissiyasına təqdim etməlidirlər.

42: Hər hansı səbəbdən test imtahanı və ya müsahibədə iştirak edə bilməyən namizədlər üçün təkrar imtahan nəzərdə tutulurmu?

Cavab: Göstərilən vaxtda test imtahanında və ya müsahibədə iştirak etməyən namizədlər üçün təkrar imtahan və ya müsahibə keçirilmir.

43: Müsabiqə başa çatdıqdan sonra tutulmayan və ya yeni yaranan vakant yerlərə işə qəbul necə həyata keçirilir?

Cavab: Müsabiqə başa çatdıqdan sonra tutulmayan və ya yeni yaranan vakant yerlərə müvafiq keçid balını toplayan namizədlərin müddətli müqavilə ilə işə qəbulu Nazirlik  tərəfindən proqram təminatı tətbiq edilməklə mərkəzləşmiş qaydada həyata keçirilir.

44: Müsabiqənin yekun nəticələri nə zaman elan olunacaqdır?

Cavab: Müsabiqə bitdikdən sonra yekun nəticələrə əsasən iş yerini dəyişən və işə qəbul olunan müəllimlərin siyahısı Nazirliyin internet səhifəsində yerləşdiriləcək, müvafiq siyahılar müşayiətedici məktubla aidiyyəti təhsili idarəetmə orqanlarına və ərazi maliyyə hesablaşma mərkəzlərinə göndəriləcəkdir.

45: Müsabiqənin nəticələri ilə bağlı apellyasiya şikayətinə baxılacaqmı?

Cavab: Müsabiqənin nəticələri ilə bağlı apellyasiya şikayətinə bütün ixtisaslar üzrə müsabiqə başa çatdıqdan sonra tərkibi Nazirlik tərəfindən formalaşdırılan Apellyasiya komissiyası tərəfindən bir həftə ərzində baxılacaqdır.

Загрузка...

Administrator

tehsilim.info saytı təhsil sahəsində fəaliyyət göstərən veb resurslar arasnda əminliklə deyə bilərik ki liderlik təşkil edir. Saytımız tamamilə ödənişsizdir və müəlliflərlə birgə əməkdaşlıq nəticəsində inkişaf edir.

12 Şərhlər “Müəllimlərin İşə Qəbulu və Diaqnostik Qiymətləndirmə. (Sual + Cavab)

  • Avqust 2, 2018 at 2:33 səhər
    Permalink

    Usaq incesenet ve medeniyyet mekteblerine mellim kimu qebul ne vaxt bawlayir. Ve hansi saytla qeydiyyatdan kecmek olar?

    Cavab yaz
  • İyul 28, 2018 at 12:31 axşam
    Permalink

    Salam ,imtahanin neticeleri sexsi sehifelerde ne vaxt yerlesdirilecek ?

    Cavab yaz
  • İyul 8, 2018 at 3:46 axşam
    Permalink

    Mən dövlət sifarişilə magistra qəbul olmuşam. Miq-ə imtahan verib oxuya oxuya işləmək istəyirəm. Əgər qəbul olunsam həm ödənişsiz oxuyub spendiya alıb həmdə məktəbdə işləyə bilərəm? Dərslər universitetdə axşam başlayır.

    Cavab yaz
  • İyul 7, 2018 at 7:55 axşam
    Permalink

    Bu il MİQdə keçid balları nə qədər olacaq?ve sualların sayında dəyişikliklər olacaq?

    Cavab yaz
  • İyul 5, 2018 at 11:05 səhər
    Permalink

    Salam. Men Xarici Diller Universitetinin Regionsunasliq fakultesini bitirmisem bu il qeydiyyatdan kecdim ingilis dili muellimliyi ucun imtahanda istirak etmek isteyirdim amma sizin imtahanda istirak etmek istediyiniz fenn ile ixtisasiniz uygun gelmediyi ucun erizeniz qebul edilmemisdir yazildi. Men ne ede bilerem ixtisas artirma oxumaqla yeniden muraciet ede bilerem?

    Cavab yaz
    • İyul 8, 2018 at 7:04 səhər
      Permalink

      Salam. Sizin fakulteniz ingilis dili muellimliyine aid deyil. Muellimlik yazilmayan fakulte ile imtahana qebul ola bilmezsiniz.

      Cavab yaz
      • İyul 13, 2018 at 6:43 səhər
        Permalink

        Salam. Sualimi cavablandirdiginiz ucun teshekkur edirem. Sadece axirinci sualima cavab ala bilmedim. Men ixtisasartirma oxumaqla yeniden musabiqede istirak ede bilerem?

        Cavab yaz
  • İyul 3, 2018 at 8:55 axşam
    Permalink

    Salam men tesviri incesenet muellimliyini bitirmisem imtahan harada kecirilir ?

    Cavab yaz
    • İyul 5, 2018 at 12:07 axşam
      Permalink

      salam siz hardan hazrlasrsiz imtahana mende tesvirini bitirmisem

      Cavab yaz
  • İyun 29, 2018 at 8:04 axşam
    Permalink

    Mən Bakı Dövlət Universitetinin jurnalistika fakültəsini bitirmişəm.
    İxtisasimi pedoqoji yöndə dəyişə bilərəmmi

    Cavab yaz
  • İyun 29, 2018 at 8:01 axşam
    Permalink

    Mən Bakı Dövlət Universitetinin jurnalistika fakültəsini bitirmuş əməkdaşlıq. İxtisasimi pedoqoji yöndə dəyişə bilərəmmi

    Cavab yaz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.