loading...

Məleykə Abbaszadə: 48 905 nəfər ali və orta ixtisas təhsil müəssisələrinə qəbul ola biləcək

Bu il Azərbaycanda ali məktəblərə qəbul olmaq üçün 41 965 yer təqdim olunub.TQDK Məleykə Abbaszadə

Trend-in məlumatına görə, bunu Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirilən mətbuat konfransında bildirib.

O qeyd edib ki, bu, ötən illə müqayisədə 7,21% çoxdur.

Onun sözlərinə görə, dövlət sifarişli yerlərin sayında bir az fərq var və ötən illə müqayisədə 497 yer artıb.

M.Abbaszadə qeyd edib ki, ötən il dövlət sifarişli yerlərin sayı 11 714 olmuşdusa, bu il yerlərin sayı 12 221-dir: “11 illik təhsil bazasından orta ixtisas təhsili müəssisələrinə isə bu il 6940 yer ayrılıb. Ötən il isə bu rəqəm 6 133 yer olub. Beləliklə, 11 illik bazadan texnikumlara ayrılan qəbul yerlərinin sayı ötən illə müqayisədə 13% artıb. Ümumilikdə qəbul planına əsasən, 48 905 nəfər ali və orta ixtisas təhsili müəssisələrinə qəbul ola biləcək”.

Direktorlar Şurasının sədri qeyd edib ki, qruplar üzrə də dövlət sifarişli yerlərdə artım var.

Onun sözlərinə görə, I qrupda dövlət sifarişli yerlərin sayı 5,9 % (300 yer), II qrupda 9% (2021 yer), III qrupda 3 yer (ötən ilki səviyyədə), IV qrupda 4,99% (62 yer) artıb.

662 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?