loading...

İmtahandan kəsilən müəllimlər necə olacaq?

muellimAzərbaycanda diaqnostik qiymətləndirmədə iştirak etməyən, bu imtahandan keçməyən və işə yeni qəbul olunan müəllimlər üçün bu ilin yayında yenidən diaqnostik qiymətləndirmə keçirilə bilər. Bunu Trend-ə Təhsil Nazirliyinin İnsan resursları şöbəsinin müdiri İlham Nağıyev deyib.

Onun sözlərinə görə, ötən ilin noyabr-dekabr aylarında diaqnostik qiymətləndirmənin keçirildiyi 12 bölgə üzrə müəllimlərin davamiyyəti 98 faiz təşkil edib: “Bəzi rayonlarda hətta 100 faiz nəticə göstərildi. Müəllimlərimizin böyük əksəriyyəti diaqnostik qiymətləndirmədə iştirak edib. Ancaq müəllimlərin 1 faizi müəyyən səbəblərdən, əsasən də sağlamlıq imkanları ilə əlaqədar diaqnostik qiymətləndirmədə iştirak edə bilməyib”.

İ.Nağıyev əlavə edib ki, 12 bölgə üzrə keçirilən diaqnostik qiymətləndirmədə iştirak edən 25693 müəllimin təxminən 1 faizi imtahandan kəsilib: “Həmin kontingentlərin bir hissəsi öz istəkləri ilə iş yerlərini tərk edə bilərlər. Amma bu, müəllimin öz istəyindən asılıdır. Lakin onlar işlərində qalıb fəaliyyətlərini davam etdirməyi planlaşdırırlarsa, onda birinci növbədə öz üzərilərində işləməlidirlər. Onlar yenidən hazırlaşmalıdırlar ki, diaqnostik qiymətləndirmədən keçə bilsinlər”.

Şöbə müdiri bildirib ki, 12 bölkə üzrə keçirilən diaqnostik qiymətləndirmədə iştirak etməyən, bu imtahandan keçməyən, həmin rayon və şəhərlərdəki məktəblərdə işə yeni qəbul olunan və iş yerlərini yeni dəyişən müəllimlərə görə yenidən qiymətləndirmənin keçirilməsi üçün həmin rayon və şəhərlərdən sorğuların daxil olmasını gözləyəcəklər: “Biz 2-3 nəfərə görə imtahan keçirə bilmərik. Əgər görsək ki, müəyyən kontingent yığılıb, onda bu il ərzində yenidən diaqnostik qiymətləndirmənin keçirilməsi planlaşdırılacaq. Amma bu, saydan asılıdır. İstənilən halda, yay aylarında Təhsil Nazirliyi müəllimlərin yerdəyişməsi və işə qəbulu üçün mərkəzləşdirilmiş qaydada imtahanlar keçirir. Biz elə həmin ərəfədə də imtahan keçirə bilərik. Bununla da işə yeni qəbul olunan və iş yerlərini dəyişən, diaqnostik qiymətləndirmədən kəsilən, bu imtahana gəlməyən müəllimlərin hamısı üçün elə bir imtahan təşkil oluna bilər və onlar diaqnostik qiymətləndirmədən keçə bilərlər”.

İ.Nağıyev deyib ki, diaqnostik qiymətləndirmənin ölkənin qalan rayon və şəhərlərində də keçirilməsi üçün artıq uğurlu təcrübə var.

3. 720 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

3 Şərhlər “İmtahandan kəsilən müəllimlər necə olacaq?

  • Fulu profil şəkili
    Avqust 4, 2016 at 6:41 axşam
    Permalink

    Salam.Gence seherindenem uzurlu sebebden diaqnosdik qiymetlendirmede istirak ede bilmemisem.Men ne vaxt diaqnostik qiymetlendirmede istirak ede bilerem.

    Cavab yaz
  • Yanvar 14, 2016 at 10:02 axşam
    Permalink

    Bes imtahandan çıxarılanlarin aqibəti necə olacaq mən yazıb qurtarmisdim imtahanı bitirdim amma yoldaşım kömək istədi mən də onun güdazına getdim bəs mən neynim.

    Cavab yaz
  • Yanvar 14, 2016 at 10:28 səhər
    Permalink

    Salam.Dioqnastik qiymetlendirme Zaqatalada ne vaxt olacaq?

    Cavab yaz

Bu haqda nə düşünürsən?