loading...

Qəbul imtahanlarında iştirakın ödənişləri məlum oldu.

Azərbaycan Respublikası Tarif (qiymət) Şurasının 2017-ci  il 6 mart tarixində növbəti iclası keçirilmişdir. İclasda “Azərbaycan Respublikası Dövlət İmtahan Mərkəzinin fəaliyyəti ilə bağlı bəzi məsələlər haqqında” Azərbaycan Respublikası Prezidentinin 2017-ci il 10 fevral tarixli 2665 nömrəli Sərəncamının icrasını təmin etmək məqsədilə Azərbaycan Respublikası Prezidentinin 2005-ci il 26 dekabr tarixli 341 nömrəli Fərmanı ilə təsdiq edilmiş “Azərbaycan Respublikasının Tarif (qiymət) Şurası haqqında Əsasnamə”yə və Azərbaycan Respublikası Nazirlər Kabinetinin 2005-ci il 30 dekabr tarixli 247 nömrəli Qərarı ilə təsdiq edilmiş “Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təmin edilməsi Qaydaları”na uyğun olaraq və Azərbaycan Respublikası Dövlət İmtahan Mərkəzinin müraciətini nəzərə alaraq Azərbaycan Respublikasının Tarif (qiymət) Şurası Dövlət İmtahan Mərkəzi tərəfindən həyata keçirilən tələbə qəbulu ilə bağlı ödənişli xidmətlərin tariflərini təsdiq etmişdir:

Tarif (qiymət) Şurasının qərarına əsasən orta ixtisas təhsili müəssisələrinə, ali təhsil müəssisələrində ali təhsilin bakalavriat və magistratura (tibb təhsili üzrə əsas təhsil və rezidentura) səviyyələrinə, Azərbaycan Milli Elmlər Akademiyasında magistratura səviyyəsinə tələbə qəbulu ilə bağlı imtahanlarda iştirak etmək üçün ödənişin məbləği aşağıdakı cədvələ uyğun müəyyən edilmişdir.

Xidmətlərin adıÖlçü

vahidi

Tariflər

(ƏDV-siz, manat)

1.Orta ixtisas təhsili müəssisələrinə tələbə qəbulu ilə bağlı test imtahanı1 iştirak üçün20
2.Orta ixtisas təhsili müəssisələrinin xüsusi qabiliyyət tələb edən ixtisaslarına tələbə qəbulu ilə bağlı qabiliyyət imtahanı1 iştirak üçün20
3.Ali təhsil müəssisələrinin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı test imtahanı1 iştirak üçün40
4.Ali təhsil müəssisələrinin və Azərbaycan Milli Elmlər Akademiyasının magistratura səviyyəsinə tələbə qəbulu ilə bağlı imtahan (I mərhələ)1 iştirak üçün50
5.Ali təhsil müəssisələrinin və Azərbaycan Milli Elmlər Akademiyasının magistratura səviyyəsinə tələbə qəbulu ilə bağlı imtahan (II mərhələ)1 iştirak üçün60
6.Baza ali tibb təhsili əsasında rezidenturaya qəbulla bağlı test imtahanı (I mərhələ)1 iştirak üçün60
7.Baza ali tibb təhsili əsasında rezidenturaya qəbulla bağlı test imtahanı (II mərhələ)1 iştirak üçün100
8.Ali təhsil müəssisələrinin xüsusi qabiliyyət tələb edən ixtisaslarına tələbə qəbulu ilə bağlı qabiliyyət imtahanı1 iştirak üçün30
9.Rus bölməsi abituriyentləri üçün Azərbaycan dili üzrə test imtahanı1 iştirak üçün10

 Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral  tarixli Sərəncamına əsasən əhalinin sosial müdafiəsini daha da gücləndirmək, maddi vəziyyətindən asılı olmayaraq şəxslərin təhsilini davam etdirməsini təmin etmək, ali və orta ixtisas təhsili müəssisələrinə tələbə qəbulunu stimullaşdırmaq məqsədi ilə orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı Azərbaycan Respublikası Dövlət İmtahan Mərkəzinin keçirdiyi imtahanlarda iştirak etmək üçün Azərbaycan Respublikası Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi Azərbaycan Respublikası dövlət büdcəsinin vəsaiti hesabına həyata keçiriləcək: 

1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

Bu Sərəncamdan 70 minə yaxın abituriyentin yararlanacağı gözlənilir.

Cari ildə qəbul imtahanlarında iştirak etmək üçün ilk dəfə müraciət etmiş şəxslərin ilk imtahanda iştirakına görə ödənişi dövlət, ikinci imtahanda iştirakına görə ödənişi isə abituriyent ödəyəcəkdir.

Dövlət qulluğu (dövlət qulluğuna qəbul və dövlət qulluğunda fəaliyyətin davam etdirilməsi) üzrə test imtahanlarında iştirak etmək üçün ödənişin məbləği test nümunələrinin hazırlanması, ekspertizası, təsdiqi, test imtahanının təşkili, keçirilməsi, qiymətləndirmənin aparılması qaydası Azərbaycan Respublikasının Nazirlər Kabineti tərəfindən təsdiq edildikdən sonra müəyyən ediləcəkdir.   www.tqdk.gov.az

3. 214 baxış
loading...

Əzizağa Əhmədov

Əziz müəllimlər və müəllim olmaq istəyənlər! Tezliklə müəllimlərin işə qəbulu test imtahan mərhələsi başlayacaqdır. Bütün namizədlərə uğurlar arzulayıram!

5 Şərhlər “Qəbul imtahanlarında iştirakın ödənişləri məlum oldu.

  • Aprel 27, 2017 at 9:58 səhər
    Permalink

    Tehsil den soyudum. Birazdan nefes aldığımız havaya görede pul isteyecekler.

    Cavab yaz
  • Mart 8, 2017 at 3:16 səhər
    Permalink

    Keçen ilin mezunları Ali tehsi müesisselerinde qebulda her iki imtahanda pul ödemelidir?Yoxsa ancaq ikisinden birinde pul ödeniş olacaq ?Bakalavr seviyyesini nezerde tutdum .Admin xahiş cavablandırardınız.

    Cavab yaz
  • Mart 7, 2017 at 7:05 axşam
    Permalink

    Administrator bey men bawa duwmedim, magistraturaya sened qebulu 50 manatdir?

    Cavab yaz

Bu haqda nə düşünürsən?