loading...

Göygöl və Samux rayonlarında İKT-dən istifadə ilə bağlı müəllimlərin bilik və bacarıqlarının artırılması ilə bağlı layihənin icrasına başlanıldı

LOGO-ETI

“Elm və Təhsildə İnkişaf” İctimai Birliyi 2016-cı ilin may ayından etibarən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Azərbaycanın Qərb bölgəsi orta məktəblərində fəal təlim metodlarının tətbiqində İKT-dən istifadə ilə bağlı müəllimlərin bilik və bacarıqlarının artırılması” layihəsinin icrasına başlamışdır.

Göygöl və Samux rayonlarında yerləşən hədəf 2 kənd orta məktəblərdə interaktiv təlim metodlarının tətbiqində İKT-dən istifadə ilə bağlı müəllimlərin bilik və bacarıqlarının artırılması ilə təhsil və təlimin keyfiyyətinin yüksəldilməsi məqsədini daşıyan bu layihə çərçivəsində ümumilikdə 40 nəfər müəllim üçün İKT üzrə savadlılığının artırılması məqsədilə təlim kursları təşkil ediləcək, təlim sessiyalarını başa vurmuş müəllimlərə elektron tədris vəsaitlərindən istifadə etməklə, tədris prosesini təşkil etmələri məqsədilə texniki dəstək göstəriləcəkdir.

Bu məqsədlə layihə çərçivəsində Göygöl rayonunun Quşqara və Samux rayonunun Sərkar kənd orta məktəblərində İKT üzrə təşkil olunacaq təlim kursu 40 müəllimin İKT sahəsində bilik və bacarıqlarının artmasına, orta məktəblərdə təlimin effektivliyin yüksəlməsinə, tədris prosesində İKT-dən istifadənin üstünlükləri və imkanları ilə bağlı maarifləndirmə işinin güclənməsinə öz töhfəsini verəcəkdir. Bundan əlavə, İKT-dən imkanlarından istifadə etməklə, fəal təlim metodlarının tətbiqi ilə həyata keçiriləcək dərslər şagirdlərdə elmi – tədqiqat və İKT-dən istifadə bacarıqlarının formalaşdırlmasına şərait yaradacaqdır. Təlim kurusunun təşkilinin əsas məqsədlərindən biri də hədəf məktəblərdə İKT sahəsində bilik və bacarıqlara malik müəllimlərdən ibarət mentor-təlimçilər qrupunun formalaşdırılmasıdır.

Layihə Azərbaycan Respublikası Prezidentinin 2013-cü il 24 oktyabr tarixli Sərəncamı ilə təsdiq edilmiş Azərbaycanda təhsilin inkişafı üzrə yeni Dövlət Strategiyasına, 2013-2020-ci illərdə Azərbaycan Respublikasında təhsil sisteminin informasiyalaşdırılmasına dair Dövlət Proqramına, Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiya”sına və “Azərbaycan 2020: Gələcəyə Baxış” inkişaf konsepsiyasına uyğundur.

 

Əhməd Quliyev,
“Elm və Təhsildə İnkişaf”
İctimai Birliyinin İdarə heyətinin sədri:
Tarix: 22 may 2016-cı il

440 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?