loading...

Fənn olimpiadalarının yarımfinal mərhələsinin nəticələri məlum olub

OlimpiadaTəhsil Nazirliyi tərəfindən ölkənin bütün şəhər və rayonlarında keçirilən Respublika fənn olimpiadalarının yarımfinal mərhələsinin nəticələri məlum olub. Nəticələrə əsasən, fənn olimpiadalarının final mərhələsində dəqiq fənlər üzrə 271, humanitar fənlər üzrə 415 şagird iştirak edəcək.
Şagirdlər öz nəticələri barədə məlumatı aidiyyəti təhsil şöbələrindən (idarələrindən) əldə edə bilərlər.
Final mərhələsində şagirdlər iki qrup üzrə biliklərini sınayacaqlar. Belə ki, X və XI siniflər yuxarı yaş qrupu kateqoriyasında, IX və xüsusi istedadı ilə seçilən daha aşağı sinif şagirdləri isə aşağı yaş qrupu kateqoriyasında eyni materiallar üzrə sualları cavablandıracaqlar.
Final mərhələsində şagirdlər açıq tipli, isbat, izahat və həll tələb edilən sual və tapşırıqları yerinə yetirəcəklər.
Fənn olimpiadalarının dəqiq fənlər üzrə final mərhələsi 15-17 aprel, humanitar fənlər üzrə isə 22-24 aprel tarixlərində keçiriləcək. Final mərhələsinin ilk günü qeydiyyat və açılış mərasimi, ikinci günü – final mərhələsi, üçüncü günü isə nəticələrin elanı və apelyasiya olacaq.
Qeyd edək ki, Respublika fənn olimpiadalarının birinci–rayon (şəhər) mərhələsi yanvarın 17-də keçirilib. Bu mərhələdə 27 500-dən çox şagird iştirak edib. Olimpiadanın yarımfinal turunda isə 4500-ə yaxın şagird öz bilik və bacarığını nümayiş etdirib.

425 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

1 şərh var “Fənn olimpiadalarının yarımfinal mərhələsinin nəticələri məlum olub

  • Aprel 6, 2016 at 7:59 axşam
    Permalink

    Mən də coğrafiya fənni üzrə iştirak etmişdim.30 sualdan 29-u düzgün cavablandırmışdım.Lakin cavablarda ənənəvi şəkildə bəzi sualları nədənsə çox absurd şəkildə səhv götürmüşdülər.Elmi əsası olmayan cavablar qəbul etmişdilər.Fikrimcə daha obyektiv olsalar,daha düzgün alınar.Ümidim var idi ki,obyektivlik olimpiadalarda bərpa olunub.Amma başa düşdüm ki,bu sadəcə ümid imiş.

    Cavab yaz

Bu haqda nə düşünürsən?