loading...

“Elektron Təhsil” müsabiqəsinin qalibləri mükafatlandırılıb

elektron tehsil

Azərbaycan Respublikası Təhsil Nazirliyi tərəfindən keçirilən “Elektron Təhsil” Respublika müsabiqəsinin qalibləri 29 dekabr tarixində elan edildi.

Hər il keçirilən bu müsabiqənin davamı olaraq, bu ildə müsabiqə 21 sentyabr 2015-ci il tarixdə başlamış və təqdim olunan layihələrin qəbulu 4 noyabr 2015-ci il tarixdə yekunlaşmışdır. Müsabiqəyə ümumilikdə 941 layihə təqdim olunmuşdur. Bunlardan 41-i müsabiqənin şərtlərinə uyğun olmadığından qəbul edilməmişdir.

Müsabiqənin keçirilməsində əsas məqsəd elektron tədris resurslarının, internet texnologiyalarının tədris prosesinə tətbiqini fəallaşdırmaq, təhsil ictimaiyyətini məlumatlandırmaq, tədris məqsədləri üçün internetdən istifadənin yeni üsullarını öyrənmək və tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir. Müsabiqədə əsasən ümumtəhsil müəssisələrinin pedaqoji heyəti, pedaqoji kadrların ixtisasartırma və yenidənhazırlanması ilə məşğul olan qurumların metodist mütəxəssisləri, şagirdlər iştirak edə bilirlər.

Müsabiqə aşağıdakı 2 əsas istiqamət və 6 nominasiya üzrə təşkil olunmuşdur:

Müəllim istiqaməti üzrə

– Elektron lövhələrin istifadəsi ilə yaradılan ən yaxşı resurs;

– Təhsildə ən yaxşı İnternet texnologiyaları;

– Multimedia vasitələrindən istifadə etməklə qurulan ən yaxşı resurs;

– Tədris üçün ən yaxşı elektron metodiki tövsiyə/sənəd.

Şagird istiqaməti üzrə

– “ALPLogo” proqramlaşdırma mühitində müxtəlif komandalardan istifadə etməklə yaradılan ən maraqlı fiqur;

– Tədrisdə istifadə üçün ən yaxşı elektron resurs.

Müsabiqənin şəffaflığını təmin etmək məqsədilə qiymətləndirmə mərhələləri onlayn təşkil edilmiş, qəbul edilən işlər üzrə onlayn müzakirələrə şərait yaradılmış, ekspert və münsif heyəti müsahibə əsasında müəyyən olunmuşdur. Müsabiqənin I mərhələsinə təqdim edilən 941 işdən 900-ü II mərhələyə ekspertlər tərəfindən qiymətləndirilməyə təqdim olunmuş və nəticədə 207 iş nominant olaraq III mərhələyə keçmişdir. III mərhələyə keçən işlər münsiflər tərəfindən onlayn olaraq qiymətləndirilərək 14 qalib və 18 fərqlənən müəyyən edilmişdir.

“Elektron Təhsil” Respublika müsabiqəsinin qalibləri aşağıdakilardır:

“Elektron lövhələrin istifadəsi ilə yaradılan ən yaxşı resurs” nominasiyası üzrə I yerə İsrafilova Gülbəniz (Şəki şəhər, 3 nömrəli tam orta məktəb), II yerə İmanova Nigar (Bakı şəhəri, Yasamal rayonu, 21 nömrəli orta məktəb) və III yerə isə Mirzəyeva Ülkər (Bakı şəhəri, Yasamal rayonu, Avropa liseyi) layiq görülmüşdür.

“Təhsildə ən yaxşı İnternet texnologiyaları” nominasiyası üzrə I yeri Əliyev Elçin (Bakı şəhər, Avropa Azərbaycan məktəbi), II yerə Kərimova Mətanət (Oğuz şəhəri, 3 nömrəli məktəb-lisey) və III yerə Abbasova Ayğün (Bakı şəhər, 62 nömrəli məktəb-lisey) layiq görülmüşlər.

“Multimedia vasitələrindən istifadə etməklə qurulan ən yaxşı resurs” nominasiyası üzrə I yeri Nuriyeva Bela (Bakı şəhəri, 23 nömrəlitam orta məktəb), II yerə Ağayeva Fəridə (Siyəzən rayonu, 2 nömrəli orta məktəb) layiq görülmüşlər.

“Tədris üçün ən yaxşı elektron metodiki tövsiyə/sənəd” nominasiyası üzrə II yerə Bayramova Leyla(Ağdaş rayonu, 7 nömrəli tam orta məktəb) layiq görülmüşdür.

“ALP Logo” proqramlaşdırma mühitində müxtəlif komandalardan istifadə etməklə yaradılan ən maraqlı fiqur”nominasiyası üzrə I yerə– Məmmədova Nursabah (Gəncə şəhər, 27 nömrəli məktəb-lisey), II yerə İsmayılova Gülər (Bakı şəhər, 5 nömrəli orta məktəb) və III yerə isə Əliyeva Ülviyyə(Bakı şəhər 114 nömrəli məktəb) layiq görülmüşdür.

“Tədrisdə istifadə üçün ən yaxşı elektron resurs” nominasiyası üzrə I yerə Cəbrayılov İsmayıl(Mingəçevi rayonu, Texniki-humanitar lisey), II yerə Səfxanov Cəlal (Ucar rayonu, 6 nömrəli tam orta məktəb) layiq görülmüşdür.

“Elektron Təhsil” Respublika müsabiqəsinin fərqlənənləri aşağıdakilardır: 

“Elektron lövhələrin istifadəsi ilə yaradılan ən yaxşı resurs” nominasiyası üzrə fərqlənənlər Xəlilova Yeganə, Nuriyeva Mahirə, Zeynalova Aynurə.

Təhsildə ən yaxşı İnternet texnologiyaları” nominasiyası üzrə fərqlənənlər Qafarov Elşən, Musayev Sübhan, Hüseynova Aygün.

“Multimedia vasitələrindən istifadə etməklə qurulan ən yaxşı resurs” nominasiyası üzrə fərqlənənlər Məlikova İradə, Qurbanova Vəfa.

“Tədris üçün ən yaxşı elektron metodiki tövsiyə/sənəd” nominasiyası üzrə fərqlənən Şükürova Nailə.

“ALP Logo” proqramlaşdırma mühitində müxtəlif komandalardan istifadə etməklə yaradılan ən maraqlı fiqur”nominasiyası üzrə fərqlənənlər Cəbrayılova Röya, Aşurov Hüseyn, Sadıqlı Ləman, Əliyev Nihat, Ağazadə Ayxan.

“Tədrisdə istifadə üçün ən yaxşı elektron resurs” nominasiyası üzrə fərqlənənlər Muxtarov Ziya, Qasımlı Elşad, Şirvanlı Rüfət, Abdinov Əhməd.

Qaliblərə diplomlar, noutbuklar, planşetlər, printerlər və digər xüsusi mükafatlar təqdim olunmuşdur.

Qeyd edək ki, müsabiqənin keçirilməsinə “Dr.Web”, “AzEduNet”, “Ultra”, “Təhsildə İnnovativ Texnologiyalar” Əlavə Təhsil Mərkəzi, “Edumedia Azərbaycan” və “Nar Mobile” şirkətləri tərəfindənsponsorluq etmişdir. 

Bu slaydşou üçün JavaScript lazımdır.

602 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?