Bu müəllim diaqnostik qiymətləndirmədə maksimum nəticə göstərdi

Xəyalə Veyisova 1982-ci ildə Kürdəmir rayonunun Yenikənd kəndində anadan olub. Azərbaycan Dövlət Pedaqoji Universitetində coğrafiya ixtisası üzrə təhsil alan X.Veyisova hazırda Famil Həşimov adına şəhər 3 nömrəli tam orta məktəbdə coğrafiya fənnini tədris edir. Bir neçə yerli və beynəlxalq mükafatlara layiq görülən X. Veyisova 2014-cü ildə “Tərəqqi” medalı ilə təltif edilib, həmin ildə “Ən yaxşı müəllim” müsabiqəsinin qalibi olub.
– Müəllimlərin diaqnostik qiymətləndirilməsini necə dəyərləndirirsiniz ?
– Diaqnostik qiymətləndirmə, doğrudan da, müəllimlərin öz üzərlərində məsuliyyətlə çalışmaları üçün çox yaxşı bir addımdır. İmtahanlardan qabaq mənə rayon müəllimləri də müraciət edirdilər. Əgər coğrafiya fənni üzrə rayonumuzun müəllimlərinin nəticələri çox yüksək olsa, mən buna çox sevinəcəm. Öz müşahidəmdən onu deyə bilərəm ki, müəllimlər bu imtahana çox ciddi hazırlaşdılar. Onlar deyirdilər ki, həm ixtisas biliklərimizi artırdıq, həm də dərslərimizi daha yaxşı tədris etməyi öyrəndik.
Özümə gəldikdə isə, mən demişdim ki, 60 bal toplamalıyam. Əgər maksimum olmayacaqsa, qoy 55 olsun, amma 59 bal olmasın. Hərdən özümü psixoloji cəhətdən hazırlamaq üçün deyirdim ki, 60 olmaya da bilər. Amma alınmırdı, yalnız maksimum nəticə haqqında düşünürdüm.
-Yüksək bal topladığınızı görəndə hansı hissləri keçirdiniz ?
-İndiyədək onlarla imtahanda iştirak etmişəm. Amma bu imtahanda sanki istirahət etdim. Sakitlik, nəzarətçilərin davranışı, proqramın rahatlığı. Ən çox narahat olurdum ki, proqramda ləngimə olsa, mənim vaxtım gedəcək. Ancaq hər şey yüksək səviyyədə oldu. Bütün suallara cavab verdim, ekranda sıfırları gördüm. Bildim ki, 40 deyil, 50 bal da ola bilməz. Əlimi stola vurub, qışqırdım. Nəzarətçilər tez yaxınlaşdılar ki, imtahan zamanı belə davranmaq olmaz. Sonra bildilər ki, 60 bal toplamışam. Hamı gəlib təbrik etdi.
-İmtahana necə hazırlaşdınız ?
-Mən öz ixtisasımı bilirəm. Bu imtahana müəllimlərlə birgə hazırlaşmışam. Müəllimlər imtahana hazırlaşan zaman zəng edirdilər, müxtəlif suallar ətrafında müzakirələr aparırdıq. Beləcə, mən özüm də həm araşdırır, həm öyrənirdim, həm də biliklərimizi paylaşırdıq.
-Diaqnostik qiymətləndirməyə hazırlaşan müəllimlərə nə tövsiyə edərdiniz?
-Müəllimlik elə bir peşədir ki, mütəmadi olaraq biliklər yenilənməlidir. Müəllimlərə bütün proqramı əvvəldən axıra qədər təkrarlamağı tövsiyə edirəm. İmtahanlar müəllimin daha peşəkar olmasına gətirib çıxarır. Bəzən müəllimlər həyəcanlanır, qorxur, lakin buna əsas yoxdur. Diaqnostik qiymətləndirməni müəllimlərə biliklərini artırmaq üçün yaradılmış ən gözəl imkan hesab edirəm.

15. 243 baxış
loading...
Admin profil şəkili

Admin

Əziz istifadəçi, sayta yardım etmək istəyirsinizsə saytdakı reklamlara klik edin !. Bununla siz saytın daimi olmasına öz töhfənzi vermiş olursunuz...

11 Şərhlər “Bu müəllim diaqnostik qiymətləndirmədə maksimum nəticə göstərdi

  • anar ibadov profil şəkili
    Dekabr 9, 2016 at 1:31 axşam
    Permalink

    Daha cox qiymetlendirme dusmusdu,refleksiya nedir,differensial telim,pedoqoji terbiyeden var idi,yeni yazilmiyacaq suallar deyildi.summativ qiumetlendirmeden de var idi.yazarsiz insallah narahat olmayin

    Cavab yaz
  • Dekabr 9, 2016 at 11:05 səhər
    Permalink

    Imtahanda istirak edenler kurikulumdan ne tipli dusmusdu zehmet olmasa yazardizda

    Cavab yaz
  • Dekabr 8, 2016 at 7:26 axşam
    Permalink

    zehmet olmasa deyerdiz onlayinda olan suallar ixtisasdan duwurmu
    \

    Cavab yaz
    • Dekabr 9, 2016 at 11:32 səhər
      Permalink

      İmtahanda düşən sualların əksəriyyəti elə bu saytdakı suallar idi.bir qədər diqqətli olmaq lazımdı.deyilən qədər çətin deyil

      Cavab yaz
  • anar ibadov profil şəkili
    Dekabr 8, 2016 at 12:12 axşam
    Permalink

    Salam,bugun men de istirak etdim imtahanda,yaxsi idi her sey,cox yuksek toplamasam da normal yazdim.bu muellimeni de tebrik edirem.sag eli imtahan vermeyenlerin basina

    Cavab yaz

Bu haqda nə düşünürsən?