loading...

Bu məktəbin 42 məzunundan 27-si 600-dən çox bal topladı

sumqayıt-məktəb“Rəhbərlik etdiyim gimnaziyada bu ali məktəblərə qəbul imtahanlarında 42 abituriyent iştirak edib. Sevindirici haldır ki,abituriyentlərdən əksəriyyəti yüksək nəticə göstərib”.
Bu sözləri Sumqayıt Təbiət Elmləri Təmayüllü Gimnaziyanın direktoru Nizami Əhmədov eyni sinifdə oxuyan şagirdlərdən ali məktəblərə qəbul imtahanlarında 17 nəfəri 600-dən yuxarı bal toplamağı xəbərinə münasibət bildirərkən deyib. N. Əhmədov qeyd edib ki, bu il gimnaziyada 25 və 17 nəfər olmaqla iki 11-ci sinif olub. Məktəb direktorunun sözlərinə görə, qəbul imtahanlarında 42 abituriyentdən 27 nəfəri 600-dən çox bal toplayıb: “Ən yüksək nəticə isə 690 baldır. Ötən il göstəricilərə görə, məktəb üzrə orta bal 551 idisə, bu il artıq 590 baldır.”
Direktor qeyd edib ki, 600-dən çox bal toplayan 27 şagirdin 10 nəfəri bir sinifdə, 17 nəfəri isə digər bir sinifdə oxuyublar.
Xatırladaq ki, sosial şəbəkələrdə Sumqayıt Təbiət Elmləri Təmayüllü Gimnaziyanın bir sinfində təhsil alan 17 şagirddən 8 şagirdin ali məktəbə qəbul imtahanında 650-dən yuxarı, 9 şagirdin isə 600-dən yuxarı bal topladığı xəbəri yayılmışdı.
Xeberle.com

1. 471 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?