loading...

Azərbaycanın Su Anbarları

Çayların suyunu nizamlamaq ,əhalinin və təsərüfatın su ilə təchizatını yaxşılaşdırmaq üçün onların üzərində su anbarları yaradılır.Azərbaycanda olan 140 –a qədr su anbarı və dəryaçılar 87 min ha sahə tutur.Onlarda 18,5 kub km su toplanmışdır.
Mingəçevir su anbarı respublikada sahəsinə və suyunun həcminə görə birinci yer tutur.O,əhəmiyyətinə görə də ən böyük süni su hövzəsidir.Bu su anbarından çəkilmiş kanallar vasitəsilə 200 min ha sahəsi suvarılır, 1 mln ha sahənin suvarılması yaxşılaşır.Onun uzunluğu 76 km,orta dərinliyi 27 m,bəndin hündürlüyü 70m-dir.
Kür çayı üzərində həmçinin Varvara,Şəmkir və Yenikənd su anbarları tikilmişdir.Bunlarla yanaşı əhalini su ilə təmin etmək üçün Abşeronda Ceyranbatan su anbarı yaradılmışdır.Böyük Qafqaz
Ağsu çayının hövzəsində Cavanmir,Əyriçayın qolu Dəvəbatan çayının hövzəsində Aşıqbayramlı və Yekəxana su anbarları yerləşir.

Qəbələ rayonunda Dəmiraparan çayının hövzəsində Nohurqışlaq su anbarı tikilmişdir.Kiçik Qafqazda, Tərtər çayı üzərində olan Sərsəng su anbarı,Naxçıvanda Araz çayının üzərində tikilən Araz su qovşağı həm su təminatı ,həm də enerji alınması üçün istifadə edilir.Araz çayının üzərində Mil-Muğan və Bəhramtəpə ,Köndələn çayının üzərində İkinci Köndələnçay və Aşağı Köndələnçay su anbarları tikilmişdir.
Lənkəran vilayətində torpaqların suvarılması yaxşılaşdırmaq üçün Xanbulançay su anbarı tikilmişdir.Respublikanın Ağstafa,Pirsaat,Arpa və Xaçın çayları üzərində eyni adlı su anbarları yerləşir.Əlincə çayında olan Nehrəm su anbarı,Qoşqar çayı üzərində Zurnabad,Qarqar çayı üzərində tikilmiş Ağdamkənd su anbarından geniş istifadə edilir.İşğal edildiyi zaman Araz çayı üzərində Xudafərin və Qız qalası su anbarları tikilirdi.

237 baxış
loading...
Admin profil şəkili

Admin

Saytımıza xoş gəlmisiniz. Əziz istifadəçi, saytda olan məlumatları paylaşmağı Unutma !

Bu haqda nə düşünürsən?